Amptelike Lokprent: Alma op pad

Hierdie jaar breek Alma se familie weg van hul tradisie. Haar ma, wat smag na verandering, bespreek teen haar man se wense, vir hulle ’n vakansie by ’n nuwe strandplek, terwyl die 12-jarige Alma net gefokus is daarop om die hele reis met haar videokamera vas te lê. Wanneer dit blyk dat die nuwe vakansieplek nie geskik is vir hul behoeftes nie, vertel Alma ’n wit leuen waarby haar ma inval. ’n Reeks teleurstellings volg, en wanneer die spanning tussen haar ouers breekpunt bereik, moet Alma besluit wat om te bewaar en wat om te laat gaan. ’n Tere film oor grootword, ontkenning en die stil opofferings wat ons maak ter wille van die liefde. #Silwerskermfees