web uni tv guide
Kokkedoor
web uni tv guide

Kokkedoor

144KosprogramPG13
WelkomWenBeoordelaarsKokkeVideo’sResepteNuusFoto’s

Stel jou kykNET-horlosie vir Julie

Nuus
28 Mei 2019
Watwou winterkoue. By kykNET is daar in Julie soveel opwinding, dat jy nie eens die koue gaan voel nie.
Teken in en KYK
Getroud met Rugby 10 seisoen 4

Foto: Willem Botha

kykNET is opgewonde om aan te kondig dat die gewilde sepie, Getroud met Rugby, in Julie ’n splinternuwe tydsgleuf kry. Aanhangers van dié sepie kan vanaf Maandag 1 Julie om 18:00 inskakel om uit te vind wat in die lewens van Die Stryders en hul familie en vriende gebeur.

KYK HOE UITGEVAT IS DIE GETROUD MET RUGBY-KARAKTERS

Dit is nie al goeie nuus nie – twee van kykNET se aktuele programme kry ook vanaf Julie nuwe tydsgleuwe. Prontuit saai vanaf 8 Julie om 21:00 uit en kykNET Verslag in Gesprek skuif vanaf 3 Julie na 21:00.

KYK OOK: AS KABOUS GEWEET HET...

Beide dié programme is reeds sedert 2015 gewild onder kykers. Prontuit, wat vroeër vanjaar ’n ATKV-Mediaveertjie in die kategorie, “Beste Nuus- of Aktualiteitsprogram” gewen het, ondersoek stories deur gesprek ná dit nuus was. Aanbieder Kabous Meiring, wat vroeër vanjaar met ’n ATKV-Mediaveertjie in die kategorie, “Beste Aanbieder of Onderhoudvoerder van ’n Nuus- of Aktualiteitsprogram” bekroon is, verwelkom elke week kenners, leiers en opiniemakers op die program om gewigtige kwessies te bespreek.

kykNET Verslag in Gesprek bied weekliks ’n oorsig van nuusgebeure en aktuele politieke kwessies. Aanbieder Waldimar Pelser, wat in 2018 met ’n ATKV-Mediaveertjie in die kategorie “Beste Aanbieder of onderhoudvoerder van ’n Nuus- of Aktualiteitsprogram” weggestap het, skroom nie om kontroversiële kwessies met sy gaste te bespreek nie.

LEES OOK: VYF REDES HOEKOM ONS MAL IS OOR WALDIMAR

Kykers kan ook uitsien na ’n paar splinternuwe reekse, sowel as nuwe seisoene van gewilde reekse op kykNET in Julie. Dit sluit onder meer in:

  • Elders Japan, ’n reisjoernaalprogram met Erns Grundling as aanbieder, begin Dinsdag, 2 Julie om 21:00.
  • Lui maar op, Belinda, ’n sitkom met onder andere Brümilda van Rensburg, Annelisa Weiland en Eric Nobbs, begin Maandag, 8 Julie om 20:30 op kykNET.
  • Alles Malan, ’n dramareeks met onder andere Nadia Valvekens, Ivan Zimmermann, Albert Maritz en Elsabé Daneel in die rolverdeling, begin Dinsdag, 9 Julie om 20:00 op kykNET.
  • Kokkedoor 3 begin Donderdag, 18 Julie om 20:00 op kykNET.

Die nuwe seisoen van Binnelanders begin op 10 Junie. Kykers wat hulle PVR stel om dié program op te neem, moet dus hul opnemers weer aanpas sodat dié seisoen opgeneem word.

Seisoen vier van Getroud met Rugby gaan jou weeksaande om 18:00 op die punt van jou stoel hou. Hier is ’n voorsmakie.

​Maak jou bestie se dag en deel dié nuus op Facebook, Twitter en Instagram. Hou www.kyknet.tv dop vir meer inligting.