“Die tannie het gehou van my op die show en hulle gaan moet sterk wees wat ek al weer terug op Die brug,” het sy gesê terwyl sy haar grimering gedoen het. Dit het vir ’n oomblik gelyk of sy groot skrik, maar toe sy haar woorde wou terugneem, was dit te laat. Sy het begin praat van geheime klosules in kontrakte, hoe kwaad kykNET vir haar gaan wees omdat sy die nuus gedeel het en ’n paar knope losgelaat. “Tune maar self in Mei in,” het sy dit probeer wegpraat.
Toe kykNET dit op hulle Facebook-blad deel, was daar ’n heel paar mense wat glad nie tevrede was nie.
“Waarom gee julle nie nuwe deelnemers kans nie? Vorige deelnemers het voorsprong teen die ander en weet wat om te verwag. Dis nie regverdig nie,” het Talitha Botha geskryf.
“If she is not there, trust me there ain’t no show,” het Faizel Davids-Lawrence laat weet. Ricky Bergman het saamgestem. “Kyk, jy was die beste en dit is hoekom jy vir ’n tweede seisoen ook in is. Lekker man!”
“Agge nee, vir wat! Sy het haar beurt gehad, gee nuwe mense nou die geleentheid. Ek gaan nie eens kyk nie,” het Petra Etsebeth egter geskryf .
“Dis nie feëtjieland hierdie nie,” het Maruchelle Becker laat weet en Elsabe van Wyk reken: “Julle (die vervaardigers) maak nou lekker droog”.
Aletta Marais het naby aan die waarheid gekom. “Ek hoop dis net ’n Aprilgek-grap!”
Ja, Aletta en al die ander wat glo ’n nuwe span spelers moet kans kry. Dit was inderdaad ’n Aprilgek-grap. Avril het heerlik saamgespeel en sommer ’n klomp mense ’n rat voor die oë gedraai. Sy is beslis nié ’n speler in die tweede seisoen nie! Maar wie is die spelers in Die brug 2? Daarvoor is daar nog baie geduld nodig aangesien die spelers eers op 8 Mei met die uitsaai van die eerste episode van die tweede seisoen bekend gemaak word.
Die brug 2 begin op 8 Mei om 20:00 op kykNET, DStv-kanaal 144, en sal ook op DStv Stream en Catch Up beskikbaar wees. Indien jy die drama misgeloop het, kyk op kykNET se Facebook-blad om die nuutste nuus oor Die brug 2 te kry.