In sy volgende gedaante gaan die reeks as Kokkedoor: Son & see bekend staan, terwyl die koskenners Herman Lensing (37) en Yolani Abrahams (32) gaan besluit watter deelnemers koning kraai.
kykNET soek nou na deelnemers vir die reeks, wat in November en Desember ’n hoofgereg op die kykNET-spyskaart gaan wees. Die wenspan kan met R500,000 wegloop!
Kokkedoor: Son & see is die vyfde gedaante van die Kokkedoor-familie, waarvan die huidige reeks, Kokkedoor: Vuur & vlam, tans op kykNET uitgesaai word. Buiten Kokkedoor, wat in 2012 vir die eerste keer voorgesit is, en Kokkedoor: Vuur & vlam, was daar ook Koekedoor, Kokkedoortjie en Koekedoortjie.
SKRYF SÓ IN:
Kokkedoor Son & See is op soek na 'n dinamiese duo om mee te ding. As jy en 'n familielid gereed is om tradisie met innovasie te meng, vul die vorm hieronder in! Jy's ook welkom om deur hierdie skakel in te skryf.
Klik hier om die volledige bepalings en voorwaardes te lees voordat jy inskryf.
MEER OOR KOKKEDOOR SE NUWE PRETFORMAAT
1. Wat is Kokkedoor Son & See?
Kokkedoor Son & See is kykNET se nuwe pretformaat waar ons op soek is na ‘n familie-span van oud en jonk. Tradisie en vernuwing bly deel van Kokkedoor se bloudruk, en in die reeks gaan die inter-generasie spanne saam ‘n nuwe manier moet vind om vakansie-feeskos vorentoe te neem.
2. Hoe oud moet ons wees om deel te neem?
Die Jongste lid van die span moet ten minste 18 jaar oud wees op die dag van die oudisie. Die generasie- en ouderdomsverskil tussen die spanlede moet ten minste 20 jaar wees. As voorbeeld – ‘n kind van 18 en die ouer familielid 38 jaar of ouer.
3. Kan enigiemand inskryf?
Julle skryf in as ’n span. Enige span wat dink hulle kan lekker kook, bak en braai kan inskryf.
Daar móét ‘n familie-verwantskap wees, soos ‘n ouer of stiefouer, oupa, ouma, skoonfamilie, ooms, tannies, niggies of neefs.
4. Kan ons as ’n paar of span inskryf?
Ja dis ’n spankompetisie, solank daar 'n familie-verwantskap is soos ‘n ouer of stiefouer, oupa, ouma, skoonfamilie, ooms, tannies, niggies of neefs.
5. Waar en wanneer word die oudisies gehou?
Oudisies sal in Kaapstad gehou word enige tyd tussen 5 en 9 Mei 2025.
6. Hoe skryf ek in?
Kry die aansoekvorm by kyknet.tv en volg die stappe. Vergewis julself van al die kwalifikasies vir deelname. Die aansoekvorm en video moet volledig gestuur word na navrae@kokkedoor.tv. Indien jy vashaak of navrae het, stuur ‘n e-pos aan navrae@kokkedoor.tv
Stuur asseblief julle aansoekvorm en video na navrae@kokkedoor.tv. As julle video groter as 1GB is, stuur dit via WeTransfer na navrae@kokkedoor.tv en heg jou aansoekvorm ook aan.
Die sluitingsdatum vir aansoeke is 30 April 2025.
7. Hoe werk die keuringsproses?
Finaliste sal uitgenooi word na ‘n oudisie waar julle as ’n span jul kook, bak en braaivernuf sal wys aan ‘n keuringspaneel, waarna julle ‘n filmtoets sal doen.
8. Hoe lank sal ons oudisies duur?
Julle sal ’n hele dag moet opsysit.
9. Kan ons inskryf al het ons al kook-kursusse gedoen?
Die reeks is nie vir sjefs nie maar vir entoesiastiese huiskokke. As enige van julle ‘n kookklas of twee gedoen het noem dit net. As enige van julle enige sjefskwalifikasies verwerf het, sal dit julle ongelukkig diskwalifiseer.
10. Hoe lank gaan ek uit die werk en van die huis af wees?
Verfilming vind plaas van 20 Junie tot 3 Julie 2025 in die Wes-Kaap, en julle sal albei voltyds op stel moet wees.
11. Sal ons enige uitgawes hê tydens verfilming?
Reis en verblyfkostes word gedek, en dit sluit maaltye in.
12. Moet ek my resepte uit my kop uit ken en kan maak?
Dit sal baie indrukwekkend wees, maar jy kan jou staatmaker boeke en resepte saambring – geen probleem!
13. Hoe sal ons weet of ons aansoek susksesvol was?
Aansoekers wat deurdring na die oudisierondte sal amptelik uitgenooi word. Indien julle niks van ons hoor teen 12 Mei 2025 nie, was julle inskrywing ongelukkig nie suksesvol nie.
- As jy enige navrae het, kontak navrae@kokkedoor.tv.